老美對抗中國不遺餘力，尤其是在打壓華為方面更是無所不用其極。美國國務院高官吹到好大㗎，聲稱倘5G網絡有華為及中國企業參與，將令中國在全球的監控能力大幅提升，所以應該將華為完全排除在外喎。美帝果然係美帝，老屈就係唔使本，噏得就噏！ 據報道，國務院網絡與國際通訊辦公室副助理部長斯特雷耶(Rob Strayer)話喎，中國國民都被北京透過網絡監控，呼籲外界應小心中國把5G應用在何方面，仲話如果華為參與5G網絡發展，北京將借勢竊取知識產權，或在對手網絡植入惡意軟件，令中國可控制部分網絡，作為應對地緣政治衝突的手段云云。

暗示封殺華企賤招陸續來

佢仲話，美方正同盟友就此進行「最高層交涉」(即係威迫盟友封殺華為)，甚至危聳聽指未來網絡是否安全將取決於此。他又指，任何華企均會為未來網絡帶來憂慮，而華為則是現時最須「關注」的一家中國企業，言下之意就是封殺中國企業的賤招陸續有來。 老美官員嘅創作力量同幻想，真係會嚇大家一跳！冇證冇據就亂噏都算，更搞笑的是佢哋係話自己有證據，不過就係都唔肯攞出嚟。簡單嚟講，美帝嘅邏輯就係佢哋話咩就咩！公就美國贏，字就中國輸，真係服咗佢哋！ 原圖：Donald Trump Facebook https://www.facebook.com/DonaldTrump/photos/a.488852220724/10162098155730725/?type=3&theater

投票已截止，多謝支持