針對完華為，又將槍頭再指住中興？真無恥！美國參議院日前有參議員提出針對中國通訊設備製造商中興嘅新法案，話只要中興唔遵守美國法規，就會作出制裁。早前中興已被美國搞到雞毛鴨血，是次又來靠嚇，霸權打壓中國，狼子野心，還要死撐狡辯嗎？

屬第二次針對法案

美國參議院日前有民主、共和兩黨參議員提出針對中興嘅新法案，指中興一旦唔遵守美國法規或者同特朗普政府達成嘅協議，就會重新制裁中興。是次係議員第二次針對中興、要求制裁嘅法案，對上一次係2018年9月。 美政棍為私利行事，但隨時害苦一眾小企業。美國電訊商Pine Belt主席內特爾斯指出，因為中興成本較低，所以公司設備都是中興，如果要全面更換，需付幾百萬美元，公司難以承擔。 欲加之罪，何患無辭！美國每每指摘中國及華企，卻從未拿出證據，彷彿口說就可為憑，一味抹黑靠嚇，甚至拉攏走狗作封殺，盡見無恥！支持華企自強，毋須再依賴霸權！ 原圖：無綫新聞截圖

投票已截止，多謝支持