叫我哋唔好忘記旺暴?香港市民又點會忘記咁黑暗嘅日子﹗曾喺法庭大叫「幫我睇住香港」嘅旺暴暴徒盧建民入獄已經好一段日子,不過佢仍然係未知錯。佢早前曾指自己有輕生念頭,已引迴響(請按此重溫)。日前再透過獄中信交代近況,當中仲好意思提到旺暴,「2016年2月8日,農曆新年,旺角朗豪坊附近發生的事,本人永不忘記!」又叫大家要想想廿幾位「為了捍衛本土新年文化」而入獄嘅暴徒。
另冀毋忘獄中搞事友
Facebook Page「影攝食」日前刊登盧建民嘅獄中信,盧交代完自己獄中生活後筆鋒一轉就話自己永遠唔會忘記「2016年2月8日,農曆新年,旺角朗豪坊附近發生的事」,好明顯係講緊旺暴。
呢封獄中信然後就講到今年新年嘅朗豪坊,叫大家盡情食流動小販嘅食物時,要想一想廿幾位旺暴暴徒,「為了捍衛本土新年文化,沒有了幾年的新年,全在囚中渡過。」
暴動、燒車、打警察講成係「捍衛本土新年文化」?臉皮厚成咁都得?
原圖:大公報
http://news.takungpao.com/paper/q/2015/0418/2975825_print.html
投票已截止,多謝支持