個個都返工，唔通個個都想返工咩！貴州交通警員李承律，喺年三十晚好多人同屋企人團年之際，仍然要去執行職務，維持交通秩序，當日甚至只能同老婆相聚短短8秒。
原來李承律老婆係道路收費站職員，已經喺崗位上堅守咗足足72小時，而相聚嘅呢短短8秒，原來係因為李承律開警車路過收費站，兩公婆先有機會見上一面咋！由於兩夫婦都要喺節日期間當值，連年飯都唔可以返屋企食，所以李岳母唯有坐足60公里車，帶埋兩人子女為佢哋送年飯。
對於新年流流都唔可以陪伴屋企人，李承律都感到好無奈，但始終工作要緊，佢就話唯有等過完年之後，放假時再好好補償老婆仔女喇！所以話真係要珍惜眼前人，就算係夫妻父因子女，都唔係話你想見就隨時見到～
原圖：梨視頻片段截圖
投票已截止，多謝支持
返回
