嗰頭聯邦政府停擺完，依家又隨時會停擺？老美真係化學過化學﹗美國總統特朗普早前發表上任後第二份國情咨文，當中特別提到美墨邊境圍牆嘅臨時撥款即將到期，如果兩黨今次又達唔到共識，聯邦政府隨時又停擺！

不忘抹黑中國

侵侵發表呢份國情咨文時，話依家得返十日畀民主黨同共和黨達成共識，令國會可以通過法案起美墨邊境圍牆，仲驚死兩黨聽唔入耳咁講呢個係道德責任。如果美國兩黨喺本月15日前傾唔掂，聯邦政府恐怕會停擺。此外，侵侵又不忘抹黑中國，話中國好多年都偷緊美國知識產權，不過佢唔會怪中國，只會怪過去容許呢啲事發生嘅美國領袖。佢話，現在正同緊中國制定新嘅貿易協議，以結束不公平嘅貿易慣例，同保護美國就業職位。

上次白宮停擺句月，已經搞到美國人民苦連天，公務員飯都無得開，連FBI特工都嘈話要走人，如果再來一次停擺，唔知侵侵受唔受得住自國人民怒火？

原圖：無綫新聞截圖