隨住中國登上世界舞台，中華文化亦愈來愈受各國所重視，例如英國唐寧街10號就張貼中文揮春（請按此重溫），唔少國家元首亦紛紛拍片，向全球華人拜年。本來新年流流，小編都唔想鬧人，但係加拿大總理杜魯多竟然都嚟湊熱鬧，扮晒Friend咁用中文拜年，畀內地網民鬧爆虛偽！

網民：貓哭老鼠

杜魯多用一口爛到爆嘅普通話講「新年快樂」同「恭喜發財」，本來見到呢隻跟「美」狗扮晒嘢賀年都已經嬲嬲地，點知佢仲要加多句，終於辣慶所有中國人；杜魯多竟然祝大家「同親朋好友歡聚一堂，慶祝新一年」，本來祝人一家團圓無問題，但由佢把口講出嚟真係難聽過粗口！中國網民即刻著火，鬧爆杜魯多「貓哭老鼠」，因為大家都諗起仍然受困加拿大，未能回國過年嘅孟晚舟，「不要臉的東西，先把孟晚舟放了！」

你幾時有聽過有綁匪向人質家屬送祝福？真係唔鬧爆佢都唔得！

原圖：無綫新聞截圖