為咗打壓華為，老美可以做到幾核突？根據外媒引述消息指，美國國務院官員日前喺比利時同歐盟官員見面時，叫一眾老美盟友唔好喺發展新一代無線流動網絡時購買華為產品，又話建設5G網絡時，要十分謹慎，唔好同來自中國嘅不可靠供應商簽署合約。講到咁明，老美今次真係臉都唔要！

威脅話會影響結盟？

路透社指，呢名唔願意透露名字嘅美國國務院官員仲點名話，華為同中興都係唔可靠嘅供應商，如果同有國家佢哋合作，會對國家未來安全做成隱憂。佢仲疑似威脅咁話，美國喺歐洲同好多國家都有軍事結盟，如果呢啲國家用呢啲唔可靠嘅設備，就會影響埋老美國家安全。最無恥嘅係，呢位官員竟然話，美國會採取多個渠道說服歐洲盟友齊齊封殺華企。

點解老美搞針對打壓，可以咁毫不知恥、明目張膽？

原圖：Donald J. Trump Facebook Page

https://www.facebook.com/DonaldTrump/photos/a.488852220724/10161730236640725/?type=3&theater