一班獨友早前揚言延續旺暴「義士」精神，點知去到旺角夜市時，見到警方重兵駐守，即刻淆晒底，話自己係嚟執垃圾保持地方清潔（請按此重溫）。你以為成班獨友「義士」變「義工」咁好心？但似乎佢哋做戲並冇做足全套，因為翌日有清潔工表示，夜市留低一地垃圾同食物殘渣，做到冇停手喎，說好執垃圾的獨友們呢？

料初二清晨垃圾更多

大年初一早上，旺角一班清潔工忙於清理前一晚夜市所遺留的垃圾，據香港01報道，今年嘅清潔人手增加咗，但依然做唔停手，當中有清潔工批評香港市民缺乏公德心，食物殘渣四圍擺又唔包好，搞到啲汁漏晒出嚟，並估計初二清晨會有更多垃圾。

明明獨友話幫手執垃圾，點解旺角仲係一地垃圾？到底班獨友係得把口，定係粗心大意執唔晒，就不得而知喇。依家獨友明知咁多執法人員駐守旺角，唔知仲敢唔敢出去「執垃圾」呢？

原圖：SocREC影片截圖、學生動源Facebook、頭條日報

https://www.facebook.com/studentlocalism/posts/2443729389035464

http://hd.stheadline.com/news/realtime/hk/1142903/