又有人想抺黑中國！據報道，挪威當局所謂的安全報告指，中方有意以網絡竊取機密，令挪威國家安全備受威脅。講嚟講去都係嗰三幅被，難怪中國大使館會發聲明鬧爆，叫佢哋唔該用事實說話，唔好噏得就噏，免得貽笑大方！

華：按邏輯中方亦可稱受脅

面對無理指控，中國駐挪威大使館發聲明表示，中挪之間沒有利益衝突，中方亦不會對挪方構成安全威脅，對挪威警察安全局的安全威脅報告表示強烈不滿，又批評挪威的國家情報局以假設性的語言，對中國進行無端攻擊的行徑荒唐，反諷指若挪方邏輯成立，中方也可以指挪威或會對中國的國家安全構成威脅。對於挪威懷疑華為有問題，聲明回應指，中國法律中，沒有一條可以強迫企業安裝「後門」，故希望挪威謹言慎行，並以事實說話，免得貽笑大方。

一味指中國竊密但又攞唔出證據，咁算係指控定老屈？冇證據就唔該收嗲！否則只會變成國際笑話！

原圖：無綫新聞截圖