郭紹傑「忽然愛國」，走去日本靖國神社門外「縱火」，畀當地警方拉咗，依家喺東京拘留所畀人「當狗看待」（請按此重溫）。姑勿論郭動機為何，其所作所為與人無尤，但民主黨立法會議員尹兆堅竟然都可以借啲意踩國家同港府一腳，賴港府同外交部責無旁貸喎，其邏輯之神，真係令人R晒頭。

指政府反應緩慢

而平時最鍾意亂鬧港府嘅尹兆堅，為攬自己友，都不得向港府乞援。佢聲稱已去信保安局，要求當局關注郭紹傑和嚴敏華在日本被捕後的情況，強調郭紹傑做「日本狗」有幾咁慘，同當地職員言語不通兼唔夠衫著，仲話受到精神同身體虐待添呀，咁係咪想告日本政府「虐畜」先？尹兆堅話鋒一轉，將矛頭直指港府，話港府反應緩慢，無提供足夠援助云云，要求當局積極跟進。

郭紹傑一案在日本已進入司法程序，黃友成日口講尊重法治，點解依家同路人涉犯罪被控時，自己又唔識尊重日本法治，仲要反賴港府唔啱呢？大家有認同尹兆堅講法？

原圖：郭紹傑Facebook、NOW新聞截圖