委內瑞拉政局立立亂，與美國搞局不無關係。白宮日前再次示警委國總統馬杜羅，要佢交出權力，接受特赦並離開家園，姿態儼如黑幫大佬，唔講仲以為委國內政等於美國內政添。

稱馬杜羅阻礙政權移交

受美國支持的反對派領袖瓜伊多，在自立為委國臨時總統後，曾揚言只要馬杜羅放棄權力即可獲得特赦。而美國搞搞震之後，居然仲好無恥咁話馬杜羅阻礙政權和平移交，加把口叫馬杜羅同佢嘅親信接受特赦，美國可助佢平安離開，真係唔知咁講係咪恐嚇喇。白宮又高調發言攬瓜伊多，話一旦佢受恐嚇，後果會非常嚴重云云，真係將瓜伊多當正自己小弟（定傀儡？）咁錫住錫住。 美國似乎已經忘記自己「民主大國」嘅設定，魔爪愈伸愈長，愈管愈入，連人哋國家嘅民選總統都要管埋一份，不如全世界國家嘅領袖都由美國任命就最好啦，係咪先？ 原圖：無綫新聞截圖

投票已截止，多謝支持