影還影，開返個美顏先﹗女人貪靚就人人都知，不過貪靚到咩程度你又估唔估到？陝西有位女子上星期搭地鐵時，身體不適暈倒。當佢醒咗後第一時間竟然唔係多謝身邊嘅地鐵職員，而係問身邊用手機拍攝緊嘅圍觀市民：「加美顏了嗎？」即係擔心班市民影佢影得唔好睇！
呢位女子上周五坐地鐵時喺車廂暈倒，職員將佢抬到月台嘅長椅上休息。女子過咗陣開始有返意識時，見到身邊有人拍緊自己，竟然係反射性咁問「加美顏了嗎？你加個美顏！」一邊嘅市民立即話「可以可以」，而職員就話「已經很美了！」
女子之後講返，原來佢嗰日正值生理期，血糖低所以就暈低。地鐵職員畀啲糖同飲品佢後，佢慢慢就恢復體力，搵朋友陪自己離開。
意識一恢復，諗嘅立即係美顏！女人貪靚真係唔睇得少﹗
原圖：網絡視頻圖片
投票已截止，多謝支持
返回
