美國佬可能覺得撐獨友攞獎好過癮，上年先提名河童黃之鋒，依家又嚟話要提名疆獨份子。講緊攞咩獎？咪就係畀老美玩到濫晒嘅諾貝爾和平獎囉！美國多名國會議員日前忽發奇想，聯署去信諾貝爾委員會主席，要求提名正喺中國服刑嘅維吾爾族學者伊力哈木(Ilham Tohti)角逐本年度和平獎。

分裂國家 判囚終身

伊力哈木何許人也？佢係反華網站「維吾爾在線」嘅創辦人，曾任中央民族大學維吾爾族副教授。2014年，伊力哈木因為勾結恐怖組織「東突」、利用互聯網鼓吹疆獨、以及喺課堂上煽動學生推翻政府，被控分裂國家罪成，判處終身監禁。

依家都2019年，老美做乜無啦啦提名佢拎和平獎？睇吓有份聯署提名嘅議員名單就一清二楚，其中就有曾提名黃之鋒拎和平獎嘅盧比奧(Marco Rubio)呢位反華急先鋒，佢哋話伊力哈木體現喺中國和平爭取人權嘅困難云云（勾結恐怖組織都叫和平？），所以無人比佢更值得拎「本年度」和平獎喎（又唔見你哋5年前提名？），好明顯呢場大龍鳳，又係想借啲意抹黑中國！

好地地一個諾貝爾獎，淪為政治工具，畀老美玩到個朵臭晒。一於畀Like同Share出去，等全世界知道美國佬幾咁無恥！

原圖：央視截圖