惡入先告狀？民主黨石籬北區議員林紹輝話自己畀兩個民建聯職員跟蹤，好不安之後去報警。點知峰迴路轉地，民建聯話因為林有張海報疑似抄襲設計，所以就派人紀錄。之後林淆晒咁道歉，真係笑大小編個口。奉告大家搞公審前，要諗清楚自己係唔係身有屎先！

林紹輝琴日凌晨喺Facebook開直播，話自己半夜返石廣樓辦公室做嘢時，覺得自己被跟蹤，之後先後喺附近遊樂場同辦公室門口分別見到有戴口罩男子。林叫保安幫手一齊截停口罩男子，並拍下過程。事後佢話認出呢兩個人係民建聯區議員郭芙蓉同社區主任郭玲麗嘅職員。

陳恒鑌去信民主黨促處理

民建聯立法會議員陳恒鑌事後解釋，原來民建聯因為懷疑林紹輝抄襲一張關於長者福利海報嘅設計，所以就派職員去睇吓同做紀錄，其間職員遇到林，就上前問「你做乜偷我哋啲設計？」陳恒鑌又引述涉事職員話，當時林唔係只喺辦公室入面工作，而係喺門外換緊海報，並指已經去信叫民主黨嚴肅處理事件。

對於被指抄襲海報，林紹輝本身仲死撐，話自己做廿年區議員，「邊個抄邊個」，之後又縮一縮沙，話自己成日換海報，兼顧唔到每張海報嘅細節。之後佢都自知身有屎，道歉兼話將相關所有海報移除。

林生，其實做幾耐區議員，同有冇抄襲係兩回事來。

原圖︰林紹輝 Facebook、民建聯 Facebook Page

https://www.facebook.com/lsf.fai/

https://www.facebook.com/dab.hk.1992/