對前特首梁振英「念念不忘」嘅林卓廷始終唔肯接受事實，點都要繼續以UGL事件苦纏CY順便博上鏡。今早佢陪民主黨中委梁翊婷及退休攝影師張德榮與法援署律師會面，申請法援圖就律政司處理UGL事件的方法提司法覆核。可能林卓廷好清楚，自己唔炒作UGL事件根本冇「政績」同人交代，所以明明唔係佢提申請，都硬要做攝石人！

稱「天下為公」手頭緊

林卓廷指出，是次JR的目的為針對鄭若驊不檢控CY、不檢控周浩鼎及在處理UGL事件時未有尋求獨立法律意見便作不檢控的決定。林續指是次法援申請，民主黨及「天下為公」計劃是支援角色，會代表申請梁翊婷以及張德榮分析法律意見並交予法援署。有趣的是「天下為公」仍有經費，但是次司法覆核卻要申請法援？林卓廷就話喎，針對UGL事件嘅「天下為公」經費只剩130萬左右，而佢哋搵嘅澳洲律師團隊又一直使緊錢，所以唔夠支持整個司法覆核云云。 林卓廷咁鍾意做攝石人，點解昔日黨友林子健受審時又唔見佢蒲頭呢？唔通佢已同林子健「白鴿情」已絕？ 原圖：無綫新聞截圖

投票已截止，多謝支持