終於知驚喇咩？加拿大上月甘做老美狗，無理拘捕華為高層孟晚舟，引起全球華人嘅震怒。之後數名加國公民因在華犯事而被捕，加籍毒販謝倫伯格(Robert Lloyd Schellenberg)更犯下滔天罪行，走私222公斤冰毒而被依法判死。大概加國都估唔到咁大鑊，而老美就根本冇諗住保佢，加拿大總理杜魯多發晒茅周圍搵盟友幫拖，希望向中國施壓，德國總理默克爾就係求助對象之一。

此地無銀話爭取司法獨立

杜魯多周圍乞援，近排連日接見6位加駐外大使，又打畀阿根廷、新西蘭、芬蘭、新加坡、美國等國領導人同歐洲理事會。杜魯多日前就特登打畀德國總理默克爾，討論吓兩位加拿大公民被中國依法拘押，同埋謝倫伯格判死二事。根據加拿大總理辦公室話，杜魯多好多謝德國嘅支持，仲此地無銀咁話兩國要一齊爭取司法獨立云云。 呵呵，加拿大自甘墮落，應美國要求強行拘捕華為孟晚舟，早已丟盡「司法獨立」的架，丟完之後才回來重新爭取，真係笑死人咩。當日做美狗，今日應知醜，杜魯多若繼續執迷不悟，只會衰多幾錢重！ 原圖：無綫新聞截圖、杜魯多 Twitter https://twitter.com/justintrudeau

投票已截止，多謝支持