扮完強硬後，侵侵對華開始露怯？近日外界頻傳美國總統侵侵淆底，打算撤銷對華貨品嘅關稅。侵侵可能驚無面，所以衝出來否認，不過之後又畀個下台階自己，話呢家中美開咗幾次會後，可能達成到一份好協議，暗示會停止打壓。咁扭扭擰擰，唔通覺得中國唔易食，想投降輸一半？

畀下台階自己？

中美上星期喺北京舉行談判，月尾又會有新一輪會談。侵侵話，呢家同中國嘅談判進展良好，不過否認外界有報道話佢考慮緊撤銷對華徵收關稅。佢指，如果中美達成協議便唔會有任何制裁措施，但若達唔成就會有制裁，之後佢再補一句，經過多次會議，中美很可能達成一份好協議。 侵侵這樣放言有可能撤關稅，明顯在釋放訊號，懂門道的外交界肯定已經嗅到「和味濃」。唉，當初講到天下無敵，家陣又因為選舉將至而放準備縮沙，侵侵，講面皮厚，你敢認第二，無人敢認第一呀！ 原圖：Donald J. Trump Facebook Page影片截圖 https://www.facebook.com/DonaldTrump/

投票已截止，多謝支持