中國對住美國都唔怕，何況一班美國走狗？捷克國家網絡和信息安全局(NCISA)近日建議禁用華為同中興設備，之後中國就單方面取消兩國一個經濟合作會議，嚇到捷克總統話4月要「赴京請罪」。

搵手下祭旗向華示好

捷克總統澤曼(Milos Zeman)日前表示，中方單方面取消了中捷外長會談及一場兩國經濟合作委員會會議，後者涉及了至少70家捷企利益。可能都知自己玩出火，澤曼話，打算4月親自去北京參與參加第二屆「一帶一路」國際論壇，緩解兩國緊張關係。對於中方突然取消兩個中捷活動，外界認為同NCISA近日和政府建議禁用華為、中興的設備有關，澤曼大概都係咁睇，所以交足戲點名批評NCISA，指該部門未同內閣協商就私自發表相關聲明，呢個行為係欺騙政府云云。當然，實情如何，得捷克內部自己知喇。 澤曼知驚喇？但既然捷克唔係真誠待我國，咁仲有咩好傾？唔通等你一手中國錢，一手同美國大哥來打壓我麼？想同中國合作，唔該你坦蕩蕩，咪搞埋啲低智小動作，否則中國反擊陸續有嚟！ 原圖：Milos Zeman Twitter、文匯報 https://twitter.com/mzemanoficialni http://news.wenweipo.com/2017/10/18/IN1710180025.htm

投票已截止，多謝支持