中國內政，關呢位美政棍咩事？中國國家主席習近平日前發表《告台灣同胞書》，描繪出美麗嘅兩岸統一願景。縱然仍有蔡英文之流死性不改，堅持台獨，不過中台統一已成大勢所趨，唔係台獨友可以抵擋得了。台獨友亂叫都算，點知呢而家連唔關事嘅老美眾議員夏波(Steve Chabot)都無啦啦跑出來吠，話台灣一早已經「事實上獨立」，兩岸統一唔係必然喎。亂噏唔在講，中國內政究竟關佢咩事？

胡言華損尊嚴是自找

夏波話，中國要拋開統一係必然、台灣係中國一部份分嘅等等思想，因為台灣其實「事實上已經獨立」，只係其他國家礙於中國欺凌常態，而無辦法視台灣為正常國家。佢又話就此而言，對中國來講有尊嚴上嘅「傷害」，不過呢啲都係中國「咎由自取」。

夏波最後仲狀似威脅咁講，會建議老美喺政策上強調台灣係一個活躍民主嘅合法代表，同叫美國國會重新諗諗對「一個國家原則」嘅立場。

老美喺貿戰上多番打壓，中國都未驚過。唔通我哋會驚你一個美國議員嘅威脅？兩岸統一，勢在必行﹗

原圖：Steve Chabot Twitter、蔡英文 Facebook Page

https://twitter.com/RepSteveChabot/media

https://www.facebook.com/tsaiingwen/