有關美國侵侵總統嘅神預言真係無奇不有，除咗著名嘅《The Simpsons》早喺19年前已播出侵侵當選美國總統一幕，最近有網民發現，60年前嘅美劇《Trackdown》入面，居然都有一個同樣姓「特朗普」(Trump)嘅角色，而呢個角色仲喺劇入面想呃班居民錢嚟起圍牆！嘩啋！咁咪同家陣R錢起圍牆嘅侵侵總統一模一樣？有冇橋成咁？！

口吻都似到十足十

據悉，《Trackdown》是一套長70集的電視劇，主要講述德州巡警吉爾曼(Hoby Gilman)的冒險故事。故事提到的「侵侵」全名為Walter Trump，由演員Lawrence Dobkin飾演，有別於(?)大家認識嘅侵侵總統，呢位Walter Trump係騙子，佢喺劇中恐嚇居民話就快世界末日，只有起一面巨大圍牆先可保障居民安全。更搞笑的是，呢位「侵侵」同現實中嘅侵侵總統講嘢態度同口吻幾乎一樣，都係鐘意用簡單英文同埋自我吹捧，例如劇中的「侵侵」曾說：「你問我，怎麼建牆？我來告訴你。」之類的話。就咁聽同侵侵統真係一啲分別都冇喎！ 兩個侵侵嘅唯一唔同之處，可能就係劇中嘅侵侵成功向居民呃錢，但現實中嘅侵侵嘅就仲未起到牆。至於角色嘅結局，劇中嘅侵侵係畀人打死，現實中嘅侵侵係點，就仲係未知之數喇！ 原圖：Donald Trump Facebook，《Trackdown》影片截圖 https://www.facebook.com/DonaldTrump/photos/a.488852220724/10161924503285725/?type=3&theater

投票已截止，多謝支持