侵侵累美國政府停擺，唔經唔覺嚟到第三個禮拜，唔少地方公務員因為職責所在，無法離開崗位，被迫做義工，最慘嗰批可能係美國監獄警衛喇。事關佢哋唔止要喺新年假期做「非自願義工」，仲要服侍班囚犯印印腳鋸扒，認真冇陰公！

為維持生計 獄警想秘撈

據悉，美國監獄在政府停擺前，已決定向囚犯提供慶節大餐，所以唔會取消。由於獄警工作關乎公眾安全，所以就算出糧無期都焗住要返工，唔知係愛定責任呢？兩樣都可能有啩，但點都好，都無阻囚犯一邊歎牛扒燒雞，一面笑班獄警冇糧出！ 唔單只咁，佛州科爾曼懲教機構工會會長表示，因為要維持生計，連佢自己都想秘撈。問題係，獄警屬高危工作，現時政府停擺，獄警更被迫當值近16小時，萬一再去兼職，太過勞累，一分心就好危險，唉！

獄警被欠薪 高官等加薪

諷刺的是，美國政府似乎想玩「朱門豬肉臭，路有凍死骨」嘅把戲，當基層被逼做義工，由侵侵任命嘅高層分分鐘可以加成皮嘢美元嘅人工。聽到呢個消息，班獄警分分鐘激到爆血管都似！唉！一日最衰都係侵侵啦！ 原圖：Donald Trump Facebook https://www.facebook.com/DonaldTrump/photos/a.488852220724/10161958604680725/?type=3&theater

投票已截止，多謝支持