美國得閒得滯，又出新招遏制中國﹗老美打算喺日本沖繩部署反艦導彈，鞏固「第一島鏈」，唔畀中國艦艇自由進出太平洋。對此，中國專家直言，今時唔同往日，老美已經無可能用返島鏈呢啲方法鎖住中國！老美連戰略都咁Old School，唔怪得仲以為自己係世界一哥喇！ 中國海軍專家李杰琴日喺內地官媒《環球時報》以〈美軍再折騰也難鎖住島鏈〉為題撰寫文章，指雖然咁多條島鏈，的確會令進出太平洋海域嘅中國艦船數量減少，不過成個局勢嘅變化係唔會改變。李杰又指，呢家中國嘅綜合實力同國防力量已今非昔比，艦艇飛機都可以常態化咁穿越島鏈，自由進出太平洋，而對於任何「海上方向的來犯之敵」，亦都有信心去應對。
返回
