中美貿易談判將於下周再度展開，明明畀中國嚇破膽嘅美國總統特朗普，為咗壯膽竟表示，有信心於和中方談判中達成協議，靠嚇話如果中國唔妥協，就要支付巨額關稅咁話，而據悉佢派出嘅談判代表仲要係向來對中國態度強硬嘅鷹派官員格里什，咁冇誠意！仲有咩好傾？

死撐美國「形勢大好」

雖然在貿易戰暫停之時，中國恢復對美國進口大豆，暫解美燃眉之急，但唔知侵侵係死撐定還是三分顏色上大紅，佢竟然於記者會上表示，中國形勢不妙，而美國形勢則大好，因為美國正從中方收取數十位億元關稅云云，佢仲懶有信心咁話，中國一定會同美國達成協議，因為如果傾唔成，中國就要支付數百億美元關稅喎。好大口氣！

據報道，下周一格里什將率領美代表團訪華貿談，如有進展，中國副總理劉鶴就會於之後一星期訪美繼續談判，不過睇侵侵事先已經擺高姿態，又派出鷹派代表，唔通又想以勢壓人？中國唔受呢套！都係嗰句，要傾就唔該畀啲誠意，如果唔係，貿易戰場上再見！

原圖：Donald Trump Facebook

https://www.facebook.com/DonaldTrump/photos/a.10156483516640725/10161923064750725/?type=3&theater