支持中國依法行事！加拿大無理拘捕華為高層孟晚舟後，唔知係唔係身有屎心虛，居然以小人之心咁反鬧中國無理拘留加國人。自己拉人卻不允中國執法，咁又係咩道理？加拿大外交部仲話，由去月12起至今，唔包括香港，先後有13名加人喺中國遭到拘留，當中至少有8人已經獲釋。

華拘加人數無明顯增減

根據加拿大媒體引述外交部發言人貝魯布(Guillaume Berube)指，喺13名被拘留加人中有3名已知身份，分別係加拿大前外交官康明凱(Michael Kovrig)、商人斯派佛(Michael Spavor)以及教師麥克弗(Sarah McIver)，當中麥克弗已獲釋。 消息指，已知有5名加人仍在中國被拘留，而有約200名加人在中國被捕，面臨法律訴訟，當中包括被保釋及服刑中。值得留意嘅係，喺中國被捕嘅加國人數近年穩定，無特別增加或者減少。 加國在華被拘人數無特別增減，間接證明中國捉加人根本唔係所謂報復孟晚舟事件，而係如常執法！好心加國就唔好用自己嘅小人心思去諗中國！一句到尾，支持中國自主內政，不受外國威脅！ 原圖︰無綫新聞截圖

投票已截止，多謝支持