獨友成日搞事，警察睇實有咩問題？搞事友元旦遊行又想硬闖政府總部東翼前地，已經叫市民嬲到咬牙切齒，恨不得警察立即拉晒啲壞分子。點知黃到出汁嘅民間組織「民權觀察」居然反過來指元旦遊行好和平，話警方一直錄影港獨友係違規行為。警方監視，又受批評……大家會支持邊個？

黃組織揚言投訴

「民權觀察」話喎，元旦遊行當日，警方由開始到結束一直用攝錄機影住手持英國國旗同港英旗嘅獨友，質疑啲獨友如果違法，點解唔立即去阻止。佢又死賴話咁樣係打壓獨友表達自由同好騷擾，違反《警察通例》云云，將會為此作出投訴。警方回應媒體查詢時指，警方拍攝唔係針對個別人士，但當警方懷疑有人犯罪，或者社會及公共秩序有跡象受到破壞時，就會重點拍攝相關行為。 港獨違《基本法》，人所共知！警方以防萬一，恐有人生事，咁都遭受批評？惡人先告狀，仲要話人？黃友果然無恥！ 原圖：無綫新聞截圖、香港警察Facebook Page https://www.facebook.com/HongKongPoliceForce/

投票已截止，多謝支持