微軟公司創始人比爾‧蓋茨(Bill Gates)早前為2018年做總結時，埋怨侵侵嘅能源政策倒米，搞到佢旗下核技術公司泰拉能源(TerraPower)同中國中核集團嘅合作被迫停止！

封殺中國核電技術

美國能源部早前公布《美國對華民用核能專案合作政策框架》，被認為係對中國嘅「核電禁令」，專門封殺中國核電技術設備，當中更指明政策係為咗防止中國利用美核技術用於「軍事」同「核擴散」等用途。 對於被迫停止與華合作，蓋茨顯得好失望，佢喺年終總結中，表明核能係面對全球氣候變化嘅最理想能源，而美國早就已經失去咗「全球核能領導者」地位，唔怪得佢咁想同中國合作啦。據了解，泰拉能源呢個項目喺中國已經進行咗三年有多，突然被迫停止，損失真係難以想像。 侵侵為咗打擊中國發展，封殺呢樣封殺嗰樣，諗都唔諗吓其實大把美國人美國企業都同中國有緊密合作，咁做只會累死自己友。 原圖：Bill Gates twitter、央視截圖 https://twitter.com/BillGates/media

投票已截止，多謝支持