祝福葉太早日康復！好多人會選擇外遊跨年倒數，立法會議員葉劉淑儀都唔例外。葉太早喺聖誕前就開始同寶貝女離開香港，走去歐洲來個聖誕跨年，點知當街遇劫，幸而只係輕傷，亦無財物損失。有驚無險，希望葉太唔好因此破壞旅遊嘅好心情！ 葉太琴日喺Facebook繼續分享同女兒嘅「聖誕跨年之旅」，講到佢哋抵達荷蘭阿姆斯特丹，大讚嘢食好味之餘，都同一眾網友講講當地嘅有趣特色。

力保財物不失

然而分享完有趣地方，葉太就開始講驚險事。原來佢同女兒喺除夕下午行名店區時，可能因為除夕店舖早收，所以街上好靜。突然有架電單車衝向葉太，車上男子捉住佢嘅手袋。葉太隨即被拖扯落地，不過依然緊捉手袋唔放。賊人見得唔到手，就落荒而逃。 葉太雖受輕傷，但總算力保財物不失。佢最後提醒大家，喺歐洲旅遊走到僻靜地方時要格外留神，好好保護個人財物同自身安全！ 女強人果然係女強人，面對來勢洶洶嘅賊人，毫不畏懼咁抗衡！小編在此祝福葉太早日康復！ 原圖：葉劉淑儀 Facebook Page https://www.facebook.com/Regina.ip.fans/

投票已截止，多謝支持