蘋果唔好想住側側膊唔多覺！高通指，依家收集緊蘋果仲賣緊被禁iPhone嘅證據，仲話如果蘋果仲係唔履行禁令，高通有權申請對喺中國嘅蘋果公司的法人代表採取拘留同限制出境！既然蘋果一啲悔改之心都無，一於拘留法人代表！

更新軟件妄想避禁令

蘋果被判下禁令之後，居然用更新iPhone軟件來想側側膊過骨。可惜啊，最後都係畀高通發現。高通大陸專利訴訟代理律師蔣洪義指，佢哋買咗部被禁售iPhone型號，發現蘋果話就話更新咗軟件，不過部機作業系統仲係舊版本，即係蘋果所謂嘅軟件更新根本就唔係執行緊禁令！

蔣洪義話，高通依家收集緊蘋果仲賣緊被禁iPhone嘅證據，打算今個星期內就呈交法院，仲話如果蘋果仲係死不悔改、唔肯好好履行禁令，高通有權申請對喺中國嘅4間蘋果公司的法人代表採取措施，包括罰款、拘留、限制出境等。

蔣仲話，高通依家向法院申請緊喺內地禁埋手機iPhoneXS、XS Max同XR，如果成功，到時蘋果iPhone系列所有產品分分鐘都入晒禁售令！

好心蘋果就老實啲！

原圖：蘋果官網

https://www.apple.com/hk/