學生會幹事會兩年從缺，校方收返學生會會室同民主牆有咩問題？可能有感近年大學太黃太獨，搞到樹仁冇學生想入學生會評議會同幹事會，今年兩個都從缺，後者更係已經第二年斷莊。校方因此決定由下年開始收返學生會會室及民主牆，咁都好正常啊，唔通由得佢丟空冇人理咩？再者學生會班友仔有好好用民主牆咩？就喺今年9月民主牆先出現港獨標語，學生會仲要喺Facebook沾沾自喜咁post出來，明顯係管理不力兼黃獨上腦。點知啲學渣真係唔知「醜」字點寫，樹仁學生會評議會候任主席鄭家朗居然開始亂咬人，話係打壓學生喎。

幹事會斷莊兩年

樹仁大學校方指，因為「未有院校認可之行政機關管理辦事處和民主牆」，所以將會由1月1日開始收回學生會辦事處同民主牆，直至學生會有新幹事會，先可以重新申請場地，而民主牆則會用作「一般校內布告板用途」。 本來合情合理嘅事，去到鄭家朗呢嘅搞事友口中，就立即上綱上線，話係打壓學生。佢話咩學生會一直按照會章做事，又咩校方漠視會章喎，仲聯同學聯及其他大學學會生齊齊發表聯合聲明反對，更靠嚇話如果校方12月27日前唔正面回應，唔排除會有進一步抗議行動。

黃學渣亂吠亂咬

好心班黃獨學生咪死人霸生地啦！明明係校方容忍咗兩年，冇學生會幹事會都畀你用學生會辦事處同民主牆。呢家依照常理收返，卻畀學渣反轉來咬，認真離譜！ 原圖：樹仁大學學生會Facebook Page、大公報 https://www.facebook.com/HKSYUSU/photos/a.171202936337639/772130466244880/?type=3&theater http://news.takungpao.com/paper/q/2017/0927/3497748.html

投票已截止，多謝支持