美加亂捉孟晚舟冇問題，中國依法拉人就唔得？中國早前以涉嫌危害國家安全為由，先後拘捕兩名加拿大公民，國際危機組織(ICG) 日前表示，件事或導致在華外國人產生「寒蟬效應」，呼籲企業派員赴華前要三思喎。咁孟晚舟畀加拿大捉咗咁耐，又唔見你出聲嘅？

斥中國指控無根據

ICG行政總裁馬萊(Jean-Marie)話就話唔想猜測加國公民被捕嘅原因，但隨即又話兩人涉危害中國國家安全係「毫無根據的指責」，如果兩人因為咁樣而被控，將產生「寒蟬效應」云云。原來，被華拘捕嘅加拿大前外交官康明凱正正喺ICG任職，講咁多廢話，其實都只不過係想死攬自己友。

孟晚舟被捕事件，令中國人睇清楚晒歐美嘴臉，總之喺佢哋眼中，霸權做乜都得，中國做乜都係錯！唔通孟晚舟被捕就唔係「毫無根據的指責」，華為高層被捕就唔會產生「寒蟬效應」？歐美呢副雙重標準嘅嘴臉真係好乞人憎！

原圖：ICG Facebook、無綫新聞截圖