老美擔心自己科技地位受威脅，屢屢打壓華為，最離譜係迫埋其他人一齊打壓，認真霸道。有消息指，美國電訊商T-Mobile及Sprint嘅合併計劃，可能因為有大股東使用華為設備，而不獲美國批准。老美嘅無理作風令大家人人自危，擔心唔知邊日無啦啦畀侵侵搞！

德國電信日本軟銀傳跪底

究竟老美嘅魔爪要伸到幾遠？消息指，正在商討合併協議嘅T-Mobile同Sprint本身沒有使用華為設備，惟大股東德國電信及日本軟銀在海外市場有使用華為。傳美國政府竟然無恥施壓，要求德國電信停用華為，否則T-Mobile同Sprint嘅合併計劃將不獲批。據悉，德國電信同日本軟銀已經打算跪底，停用華為設備。當中日本軟銀喺上周已經話會逐步棄用華為4G基站設備(請按此重溫)。 美國技不如人，唯有靠政府出下三濫賤招幫拖，完美示範美式企業家精神。既然侵侵執意如此，中國是否應該好好效法呢？ 原圖：Donald J. Trump Facebook Page https://www.facebook.com/DonaldTrump/

投票已截止，多謝支持