警察監察可疑人士有咩問題？港獨友近年時時暴力搞事，香港警察為保護市民，喺多人聚集嘅活動中往往都加強人手。然而有啲人從來都唔識體諒感謝警察嘅辛勞，就好似黃組織「民權觀察」近日無啦啦雞蛋挑骨頭，話今年七一遊行嗰時，警察跟蹤拍攝獨友示威者，造成寒蟬效應喎。大佬，只係後面跟住攝錄，怕佢搞事啫，咁都唔得？唔通真係要出事先開心？

又賴打壓言論自由

民權觀察話今年七一遊行時，佢哋嘅人權觀察員見到四名警方攝錄兩個持港英旗嘅港獨示威者，歷時至少39分鐘。不過佢哋講完後，又戴個頭盔，話唔知警方係唔係針對港獨友。民權觀察成員王浩賢話，咁樣會影響示威者嘅集會自由同言論自由喎，又話可能會做成寒蟬效應，預告話會去投訴。

小編心想，警察跟住攝錄都係驚獨友搞事，傷到其他示威者啫，唔係身有屎又使乜驚？

原圖：香港警察Facebook、文匯報

https://www.facebook.com/HongKongPoliceForce/photos/a.964784386942859/1912844528803502/?type=3&theater

http://paper.wenweipo.com/2016/02/20/YO1602200004.htm