老美打壓華企，可恥！華為高層孟晚舟日前在加拿大被捕，原因竟然係因為佢被指涉違反美國對伊朗的禁止令，背後嘅打壓之意欲蓋彌彰。不過究竟點解美國要打壓華為呢？前保安局長、新民黨主席葉劉淑儀昨日撰文分析，直言孟晚舟被捕與「中美貿易及科技角力有着密不可分的關係」。換句話就係，美國用下三流手段想阻止中國科技崛起！

華為威脅老美科技地位

葉劉淑儀以「美國為何針對華為？（上）」為題撰寫文章，指美國今次向華為開刀「用意可謂昭然若揭」，是因為中國近年積極發展5G 網絡，挑戰到美國作為傳統科技大國嘅領導地位。

文章指，華為成長飛快，是中國科技發展里程中最具代表性嘅企業。文章引用數據指，華為盈利自2009年起持續上升，全年盈利在8年間由約200億美元急增至800多億美元，在全球市場佔有率穩步上揚，在上季嘅智能手機出貨量中甚至超越了蘋果。

唔好好努力進步，反而惡意打壓對手，呢啲咪美式霸權囉！

原圖：無綫新聞截圖、葉劉淑儀Facebook

https://www.facebook.com/Regina.ip.fans/photos/a.10152050580567157/10155933244207157/?type=3&theater