侵侵搞到美企一鑊泡！話說通用汽車(General Motors)上年初響應美國總統特朗普嘅嘴炮口號，承諾將會喺幾年內在美國增投資10億美元，同加設7000個就業崗位。唔知係唔係侵侵搞到成個美國經濟差到貼地，通用汽車真係頂唔順，喺上月宣布2020年會關閉4間喺美國工廠兼大手裁員（相關報道）。明眼人都見到，通用汽車想撐侵侵都撐唔落。點知一班美國人真係喪心病狂，居然仲要向通用汽車施壓，實行自己人迫死自己人。兩位美國參議員日前要求通用汽車承諾，日後賣給美國人的電動汽車都要在國內生產。迫人蝕住做，今次真係「讓美國再次偉大」囉。

查家宅式要求多多

兩位俄亥俄州的美國參議員日前向通用汽車董事長兼首席執行官博拉(Mary Barra)發出公開信，要求對方承諾日後賣給美國人的電動汽車都要在國內生產，並改變在美國關閉4間工廠及裁員的決定。

封信仲要求多多咁話，如果即將關閉的工廠中包括Lordstown組裝廠，咁就要通用汽車提供喺俄亥俄州將會有幾多人失業，關閉工廠嘅成本又係幾多。問左問右，畀埋出生年月日你好無？

通用汽車暫時就未回應呢封信。不過小編見到就心都寒晒，估唔到美國人為咗自己利益，居然會壓榨自己人到最後一滴血！

原圖：通用汽車網頁、Donald J. Trump Facebook Page

https://www.facebook.com/DonaldTrump/