港台黃成咁，反對派梗係盲撐喇！商務及經濟發展局長邱騰華今日喺立法會接受議員質詢，班反對派係咁瘋狂死撐香港電台。當中立法會議員毛婆毛孟靜仲吹到，話政府同建制派議員對港台情況都係一知半解，由商經局官員去回答係唔恰當。講到咁，唔通佢先係最了解嗰位？

公然人身攻擊

毛婆咁講喎，話官員和建制派議員對港台議題只係一知半解，仲講到商經局官員將公營廣播、公共廣播混為一談，仲人身攻擊建制派議員嘅合理提問係「失心瘋」問題。

之後佢梗係為港台講好說話喇，話咩港台好難將自己定位，身為政府部門不過又要編採自主。崇洋嘅佢立即攝位話要學吓英國BBC，成為獨立於政府嘅公共機構。佢仲引述自己最愛嘅前港督彭定康話，肥彭喺在任期間最遺憾就係冇做到呢件事。

其實編採自主同政府部門有咩衝突呢？點解一定要係黃色思想先啱？再者依家係港台收視低到「一點不露」喎，做咩要無啦啦攻擊政府同建制派議員？轉移視線？

原圖：大公報

http://www.takungpao.com/news/232109/2018/0808/199199.html

http://news.takungpao.com/paper/q/2018/0112/3533246_print.html