中國擁有南海主權，明明係人所共知嘅事實，點解偏偏老美要扮唔知？話說向來挑釁成性，平日以蝦蝦霸霸為消遣嘅美國一直喺南海主權上處處挑戰我國底線。行為之無理，連菲律賓總統都睇唔過去，出口幫拖，叫美國同班走狗唔好再喺南海範圍搞咩軍事演習，仲叫佢哋正視吓中國擁有南海嘅現實！換句講法，即係叫佢唔好再有無謂嘅幻想！

中美若爆戰爭 菲首當其衝

菲律賓總統杜特爾特昨日出席東盟峰會系列會議時，叫老美認清現實，「南海已經在中國手中」，呼籲佢同班盟友唔好再喺南海軍事演習，因為咁只會破壞中國同各國喺解決南海事件嘅努力。杜特爾特講嘢都幾客氣，如果係小編，只會爆一句畀老美：搞搞震，無幫襯！ 杜特爾特仲指，美菲有共同防禦條約，如果中美喺南海爆發戰爭，菲國將會首當其衝。意下之言，似乎對於美國有所怨言。 不過杜特爾特咁苦口婆心又有咩用啊！美國不嬲都唔聽人講！不如早早同老美解除共同防禦條約算喇！ 原圖：大公報、Donald J. Trump Facebook Page http://news.takungpao.com/world/exclusive/2016-09/3366499.html?pc https://www.facebook.com/DonaldTrump/photos/a.488852220724/10161658774505725/?type=3&theater

投票已截止，多謝支持