面對不公，豈能忍氣吞聲？前特首梁振英日前就UGL事件控告理大應用社會科學系助理教授鍾劍華誹謗，令一眾網民齊聲讚好。然而鍾劍華卻似乎完全不在狀態，仲話第一次收律師信係「人生新經驗」，言下之意好似好過癮喎！

自言有火 不做鵪鶉

鍾劍華今日出席電台節目，死撐自己說的都是事實，唔會因為面對法律行動就「做鵪鶉」，自己亦好「有火」，仲好囂張咁話會用正面態度面對，唔會「惶惶不安地度日」云云。

鍾劍華強調自己冇誹謗，而面對近年社會分化，作為一個知識分子一定要表達睇法，唔可以沉默喎，只係有時表達意見時會有情緒。其實佢有冇諗過，社會分化正正因為有佢呢啲自命不凡嘅「知識分子」搞事呢？

靠晒守護公義基金

對於是次案件涉及嘅開支，鍾劍華好似諗住靠晒守護公義基金嘅籌款咁，直程話自己無咩資產，好易就「清袋」，之後又話佢最大嘅資產就係自己，自己本身係最需要捍衛嘅資產。既然係咁，不如直接申請破產喇！

原圖：文匯報、鍾劍華Facebook

http://news.wenweipo.com/2017/06/21/IN1706210049.htm

https://www.facebook.com/chungkw/