「港獨」組織香港民族黨召集人陳浩天，藉外國記者會(FCC)狂言妄語，請恕筆者不用「演講」稱之，皆因一個連基本常識、小小國際法也欠認知的「不是人」、「小爬蟲」會講出啲乜嘢微言大義吖？

果不其然，小爬蟲以為一朝得志，乃顧盼自豪，於是又寫信給本已一身蟻嘅特朗普，叫佢撤銷香港及中國的世貿成員身份！「不是人」嘅陳浩天，趕住確實洋奴漢奸身份而焦慮、猴擒成咁，呢隻小爬蟲都算Short上腦，且病情惡化，已去到燒壞腦而胡言亂語地步，真應了「上帝要其滅亡，必先令其瘋狂」的至理。

食泥太多 舌頭打結

小爬蟲肯定食泥食得太多，搞到自己舌頭打結，都唔知自己狗噏乜？美國政府在憲制下，連立法權都冇，又點會有權撤銷某一條法例？至於話撤銷中國及香港WTO成員身份，更是貽笑大方，足證其「港毒」上腦到語無倫次。你估你話「香港獨立」就獨立啊！唉，你隻小爬蟲關在臭屎坑，高呼自己係世紀恐龍、宇宙最强，可以冇人理你是否戇到無腦，之但係公開「演講」，以咁嘅屎平，睇怕只有FCC有眼無珠，當佢係寶！

呢隻小爬蟲以為挾洋自重，竟然可以吸睛無數，又再於香港民族黨臉書廢噏：始終以香港的利益作最大依歸，認為在美中貿易戰當前，香港如欲避免牽涉其中，定必要撇清與中國關係，惟有一個主權獨立的香港，才能令世界各國知悉香港非中國竊取他國經濟利益的共犯。

洋奴漢奸 請剪護照

小爬蟲的廢話妄言，根本不值一哂！香港同中國關係，正如筆者常言，是水和魚的關係。中國是水，香港是魚；魚離水則瓜老襯，水沒有魚卻依然是水！換言之，「一國」是水，「兩制」是魚，道理至為顯淺，沒有「一國」哪有「兩制」？香港有乜可能「獨立」？小爬蟲，唔好掛住食泥食到塞腦至得㗎！一味戇想「香港獨立」，講多無謂，食多會滯！你隻洋奴漢奸，正如有網民話齋：夠薑剪爛自己本中國香港特區護照同香港特區身份證先講啦！

其實，陳浩天咁愛美爹，咁擁護狂人特朗普，好心滾出香港，睇吓美爹收唔收你隻小爬蟲！

一味亂呼狂叫「香港獨立」製造噪音，真係連小爬蟲也不如！講開又講，即使你隻「不是人」嘅小爬蟲，一朝得志進化成會飛的蚊子，叮人皮膚吸人血時，卻仍然要哼哼戇戇的大發謬論，實在太討厭。若給人一掌拍扁，那也只能怪自己不知收斂，廢噏連連！

原圖：Now新聞截圖