青年新政梁頌恆和游蕙禎硬闖立法會，被裁定非法集結罪成。游小學雞和兩名議助放棄上訴，即時收監。政客一時一樣，原不值得大驚小怪，佢原初話唔求情，之不過又話經數周反思，乃親自撰寫求情信。游小學雞大打温情牌，一面話「犯案係捍衛自己的理念，純粹一己之私，從沒有以同等重要性看待生我育我的雙親」，跟住又指其父二〇一一年確診鼻咽癌，且癌細胞已轉移至肺部，需長期冶療。

跟住又指母親二〇一二年發現大腸癌細胞，游小學雞話知道可能與雙親相處的日子「一直在倒數着」，日前又提早與雙親慶祝父親節，兩老難掩憂傷神色，令她驚覺自己的固執及堅持理念的時候，對兩老造成無數傷害及委屈，希望將來有時間再陪伴他們做個孝順女。

坐監先擺父母上枱

看官，游小學二〇一六年當選「尊貴議員」時，意氣何其風發，宣誓就職時何其跋扈橫蠻，硬闖立法會時何其威武神勇，她一心辱國辱華，筆者不知她有沒有顧及雙親的感受？其雙親若如其所說，早於她當選時已患危疾，何以她不放棄議員一職誠心照顧養佢育佢嘅雙親？仲要周圍飛去播獨？佢係中文系畢業，應該讀過西晉李密嘅《陳情表》吧？當年，晉武帝司馬炎為了鞏固新政權，籠絡蜀漢舊臣人心，徴召李密為太子洗馬。佢上表陳情，以祖母年老無人供養辭不從命。

嗱！呢啲就叫盡孝道喇！今游小學雞眼見要判囚才抬出病危雙親，其「愧對患癌雙親」未免大打折扣，甚至被網民鬧爆正衰女，指其父母患病時風花雪月，想脫罪減刑就搬老豆阿媽出嚟！你老母唔識教，等香港法律敎你！

恩將仇報大搞港獨

游小學雞嘅父母都係退休公務員，據悉其父為水務署高級技術人員，屬總薪級表25點，每月薪酬45120元，其母則為助理文書主任，每月人工都成23970元，游小學雞家境算小康，佢亦自小受到良好教育，網民揶揄：家人打政府工養大佢，但結果佢反政府！

事實係，香港令佢一家安居樂業，衣食住行冇憂，香港冇嘢對佢唔住，佢唔感恩都算啦！仲要煽動港獨！搞乜鬼嘢「民族自決」，恩將仇報嘅人，會懂得孝順父母？筆者頗有疑惑！

再講，佢上囚車前在臉書貼上戰國時期愛國詩人屈原《離騷》詩句以自勉，強調自己「即使粉身碎骨也不改變初衷」云云。唔好笑死人，家陣叫你剪去一頭長髮你都唔肯啩？屈原係愛國詩人，你卻把中國讀成「支那」，又將「Repubic」讀成「re-fxcking」，如此辱國辱華，咪亂引詩句令人作嘔喇！余秋雨在《中國文脈》只稱讃女詞人李淸照，說她寫下的「生當作人傑 ，死亦為鬼雄」的詩句，其離屈原，並不太遠。而你離屈原，大纜扯唔埋。

游小學雞死不悔改，其所謂「不改初衷」，與魔鬼距離只是一步之遙！

原圖：文匯報截圖