誓死捍衛一地兩檢！《一地兩檢草案》聽日就開始在立法會審議，面對反對派已經擺好架勢，磨拳擦掌準備拉布，主席梁君彥亦出招應對，除咗將修正案由75項大減至24項外，更宣佈將限時辯論！狠招一出，泛民鬼殺咁嘈，證明呢鋪真係打蛇打中晒七寸，真係要大讚梁君彥一句「主席好波」！

《一地兩檢草案》深受市民歡迎，反對派則仇中上晒腦，視草案如洪水猛獸，話到明要大拉特拉。今次梁君彥的做法唔係剪布咁簡單，係連布都唔畀你織出嚟，問你仲點拉？讚多次都要，主席好波！

連布都唔畀你織出嚟

不過原來梁主席已經畀咗面反對派，因為根據政府法律建議，75項修正案都唔合符《議事規則》，即係理應一條都唔畀過！但相信主席係同情班搞事友，驚佢哋開唔足工，背後金主會嬲嬲豬，所以都畀少少機會佢哋交下差咁囉。

反正一剪在手，天下我有！你玩嘢過咗火，主席咪剪你布撥亂反正囉，就係咁簡單！

原圖：大公報