美國總統被網民戲稱為「三無總統」——無信無義無禮；觀乎其率性妄為，霸道行為，確實十分貼切。今香港亦有被DQ嘅「三無已完」劉小麗，其「三無」即係無信無恥無賴。

話說被DQ嘅劉小麗，不久前高調開記招宣布決定撒回上訴。筆者以為佢明白：天會黑，人會變，三分情，七分騙，路還長，別太狂，以後指不定誰輝煌！誰不知佢又口出狂言，話撒回上訴係由於虛耗太多時間、心機及金錢喎！嗱，你咁識計數，當然知道你哋班反對派在議會只知拉布，不理好醜逢中必反，高鐵一地兩檢草案就是最佳例證。

不論是否關乎民生議題，就是要拉布搞到議會空轉、不作為才過癮，咁是否又虛耗太多時間？養你班垃圾議員，又要虛耗幾多公帑？聽你班反對派政客廢噏而不是議事論事，又係唔係嘥心機？

承諾捐薪去咗邊？

劉小麗二〇一六年勝出九西選區席位，當時佢曾因選舉時承諾每個月捐一半議員薪金，以作服務地區的資金，但當選後只公開捐助一次咁大把，之後就患上失憶症再無履行承諾，被網民戲稱「小麗老千」，這不是無信兼無賴嗎？

好喇，到你因龜速逐字讀出誓詞被裁定宣誓無效而被DQ，明是自作孽不可活卻一味話係「政治打壓」，如果真係「政治打壓」你仲有咁多聲氣？連撒回上訴都咁多反對派為你站台？咪講笑啦，小麗老千！

坐駕違規又賴政治打壓

據悉佢因車輛嘅玻窗透光度不符合法例要求及安裝了DVD機，被警方按正常程序扣起驗車 ，佢都喺網上大吐苦水，大發牢騷，將警方正常執行職務又說成是「政治打壓」！如此癲倒黑白是非，不是無恥又是甚麼？

呢位無信無恥無賴的「三無議員」撤回上訴，無非係想「捲土重來」，全力打補選戰！一個「三無議員」仍然咁戀棧「尊貴的議席」，可知立法會議員的確係世上筍工。之不過，你當選時卻又霸住毛坑不拉矢，一味玩嘢！衰咗仲以為自己好有魅力，一個人不立品又不知修德，無病呻吟恍如撞鬼只知成日高叫「政治打壓」，有病又忌醫，既使林鄭又玩「大和解」又畀你入到閘 ，你叫選民還會如盲頭烏蠅亂投下「神聖一票」嗎？「做老千梗好搵過上帝」，筆者草此文時正巧聽着許冠傑這首歌，感受特別深刻。

妄想推李卓人做Plan B

「小麗老千」搞亂香港之心不死，佢可能都有一分自知之明，如果自己又被「政治打壓」，佢建議工黨李卓人為Plan B 喎！之不過李卓人與支聯會關係密切，不要忘記其綱領之一就是「結束一黨專政」，北京早前亦已強烈暗示叫該口號人士不能參選。

「小麗老千」還是獻醜不如藏拙，老千計已玩不出新把戲。有空去吓台灣與戀人牽手漫步沙灘好過喇！香港有你咁無信無恥無賴的「三無已完」，只會沉淪得更快！

原圖：大公報 http://www.takungpao.com.hk/hongkong/text/2016/1116/38642.html