自從「青面雞」陳淑莊被「叻哥」陳百祥公開喺節目上當面KO後，叻哥就不停畀班反對派針對，先有尹兆堅以「大便論」侮辱，後有死攬峯鴿嘅民主黨喺Facebook串叻哥，話佢「面皮成呎厚，任何事物經佢口中都寸草不生」，叻哥為香港人發聲卻被圍攻，真係慘無人道！一向企喺正義一方嘅立法會議員何君堯當然睇唔過眼，鬧爆反對派係「雙重標準、假民主」！

何：「喺假民主同違背民意」

何君堯批評反對派，指只要同佢哋意見不同，就會被視為「犯咗滔天大罪」，完全喺假民主同違背民意嘅行為，認為作為議員，絕不應該一言不合就出言侮辱他人。何君堯又認為叻哥嘅言論並非片面，而係講出咗大部份人嘅心聲。仲話香港唔能夠畀呢啲掛羊頭賣狗嘅政黨拖香港後腳。

何君堯講得實在太好，反對派永遠唯己獨大，口中講民主但就每每打壓異己，更加不惜踩低別人嚟抬高自己，反對派嘅所作所為，相信藉著叻哥呢次事件大家可以睇得清清楚楚，正如何君堯講，一日有呢班反對派，香港只會一直被拖後腳！

原圖：大公報 http://www.takungpao.com.hk/ent/text/2017/0915/113250.html http://www.takungpao.com.hk/hongkong/text/2017/0222/61882.html http://news.takungpao.com.hk/paper/q/2018/0427/3564384.html