一地兩檢草案經過連番惡戰，下周二終於喺立法會大會進入二讀階段，如今又有反對派會提出多項修正案意圖拉布，但葉太就驚都未驚過，話有望於七月休會前完成立法工作，即係市民好有可能喺九月開始有高鐵搭，真係一大喜訊！

又想拉布？葉太未驚過！

由委員會開始，反對派不停用各種荒謬問題，例如有「隨意門」、「在行駛車廂舉行婚禮會否被香港承認」等等，務求拖時間令草案流產，好彩有葉太做主席鎮得住場，見招拆招，通過草案嘅程序先可以順利進行。終於進入直路嘅時候，反對派依然死心不息，據悉昨日包括陳淑莊、陳志全和區諾軒在內多名反對派議員合共提交多達數十條修正議案，換言之即係又想拉布啦，不過《議事規則》修改後拉布空間大減，草案要通過亦不需要獲得全體三分之二議員支持，難怪葉太可以好淡定咁話，一地兩檢立法工作有望於7月休會前完成喇。

不過，正所謂唔怕一萬，只怕萬一，班反對派咁蠱惑，分分鐘畀佢哋偷雞成功，所以葉太一定要繼續維持你硬朗嘅作風，唔好畀班反對派有機可乘！香港就靠你啦！

原圖：大公報 http://news.takungpao.com.hk/paper/q/2018/0312/3550557.html http://news.takungpao.com/hkol/jsxw/2016-02/3285396_wap.html http://www.takungpao.com.hk/hongkong/text/2016/1116/38669.html http://news.takungpao.com.hk/hkol/topnews/2015-06/3027658.html