中美初步同意停打貿易戰，但美國小人似乎想反口！中國願意達共識，不過睇嚟就有人三分顏色上大紅，美國財長姆欽接受採訪時表示，依家兩國達成嘅只係「框架性協議」，仲懶串咁話關稅隨時可以重啟云云，睇嚟美國未汲取教訓喎，以為靠嚇中國就會怕你？你敢玩嘢中國一定雙倍奉還！

美財長：只達框架性協議

中國副總理劉鶴上周訪美會談，雙方就部分項目達成共識，中方表示將加大進口美國商品、服務以及農產品，侵侵仲喺自己社交網站發文向群眾宣布呢個好消息。雖然中國釋出善意，但美國似乎得了便宜還賣乖，財長姆欽喺同劉鶴會面後串串貢咁話，雙方目前只達成「框架性協議」，有關細節要等商務部長羅斯下周訪華再傾，仲威脅話隨時可能重啟關稅措施。對此，中國外交部表示，並不希望雙方合作出現任何反覆。 與一向自大慣嘅美國唔同，中國素來都係禮儀之邦，正所謂先禮後兵，同你講嘢客氣唔代表驚咗你！侵侵，面就畀足你，你係都要玩嘢嘅，就唔好怪中國唔留手啦！ 原圖：Donald Trump Facebook 影片截圖、CCTV新聞截圖

投票已截止，多謝支持