滿口仁義，實質虛偽無恥嘅劉小麗素有「小麗老千」之稱，早前信誓旦旦話會對自己議席被DQ一事上訴到底，但就有傳話佢下星期會公布撤回上訴，希望補選可以盡快舉行喎。擺到明又想參選啦！試問呢啲玩誓辱國者點可以再參選，一於再DQ啦！

有傳Plan B為李卓人

因為玩誓而被DQ嘅議員有6位，其中游蕙禎、梁頌恆、姚松炎同羅冠聰嘅議席已經完成補選，而長毛同劉小麗嘅議席就因上訴而無法進行。但就喺補選結束不久後，已盛傳小麗老千會轉軚，指她會撤銷上訴以求盡快啟動補選，好明顯係知自己上訴贏面太低，索性放手一博劍指補選議席，更有指佢未選先淆底，驚自己再被DQ，已搵定資深政棍李卓人出嚟做Plan B。據知，小麗老千將於下周三前開記招作交代。 唉，其實反對派嘅嘴臉，小編早已經司空見慣，奈何每次見到佢哋擺出一副為正義不惜一切嘅姿態對住群眾，其後為咗利益，可以出爾反爾，不但慨嘆佢哋面皮厚過城牆之餘，亦禁不住為香港竟然有班咁嘅人而感到羞恥。所以懇請當局，如果劉小麗再參選，一定要DQ佢，唔係議會入面又會多一個毫無誠信嘅議員，令議會蒙羞！ 原圖：大公報 http://news.takungpao.com.hk/paper/q/2016/1216/3403922.html

投票已截止，多謝支持