中國封殺美國農產品進口，打正美國要害！據報美國將解除對中興制裁作條件，以換取中國取消美國農產品入口限制。不過侵侵當然死口唔認啦，死撐話呢個決定係同習大嘅「個人關係」有關喎。

侵侵姿態全面放低

早前宣佈制裁中興，令中國以限制美國農產品入口作對，包括加強檢驗大豆、蘋果等，令多項農產品滯留港口甚至「打回頭」。呢招睇嚟好有效，因為美國商務部長羅斯出席公開活動時，忽然表態話美國將協助中興迅恢復正常運作，而侵侵第二日就係社交媒體解釋，中興係美國通訊業零部件嘅大買家，事件關乎中美雙方更大嘅貿易協議，更關乎佢同習大嘅個人關係，完全冇晒之前嘅氣焰同強硬口脗。 明嘅明嘅，人要面樹要皮，要侵侵直接認輸的確有啲難度，不過就算你擺到姿態再低，都要睇習大受唔受，習大一個心情唔好，侵侵就有排頭痕啦！ 原圖：文匯報、Donald J. Trump Facebook http://news.wenweipo.com/2018/05/09/IN1805090058.htm https://www.facebook.com/DonaldTrump/photos/a.488852220724.393301.153080620724/10160263576600725/?type=3&theater

投票已截止，多謝支持