朱凱廸已變人民公敵？立法會「票王」朱凱廸憑橫洲事件上位，但呢隻朱似乎冇知恩圖報，反而逼迫村民幫手聲援反東北十三太保之類的暴徒，令村民十分反感，彼此形同陌路。走筆至此，小編不禁想起幾句成語：一朝得志、語無倫次、過橋抽板、割席絕交……當然唔少得「人民公敵」﹗

一朝得志語無倫次

據「東網」報道，近日政府加強清拆收地的補償及安置等事務，橫洲的永寧村、鳳池村及楊屋新村都有份，引起外界關注。不過，借橫洲起家的朱凱廸、土地正義聯盟以至橫洲綠化帶發展關注組好似失咗蹤咁，不再高調幫村民。 點解？原來，三村村長批評，朱凱廸之流一心煲起橫洲議題做政治騷，「根本唔係幫村民」。最令他們嬲爆的是，朱凱廸等人竟要求村民聲援反東北十三太保等人，似乎想將他們綁上反發展的戰車，還不斷叫囂「不遷不拆」，完全置村民的利益於不顧。報道引述村長指，雙方已經割席，語氣極重。

唔夠兩年得罪全港

月前立法會補選，朱凱廸惡形惡相屈死馮檢基，累姚松炎慘輸，辣㷫極多火頭；財政預算案投票中，朱凱廸霸王上身，狂插黃營同路人如梁繼昌、莫乃光、李國麟投票支持；年前林鄭新上任即推36億教育經常開支，朱凱廸又超唔滿意葉建源支持，鬧佢只顧業界利益；新鮮滾熱辣的是，在土地大辯論中，朱凱建盲反發展阻政府覓地建屋，與全港苦候上樓的基層市民為敵…… 嘩啋﹗唔夠兩年，霸王朱得罪全世界，你話佢個議席會唔會丟得好快？ 原圖：大公報、朱凱廸Facebook http://paper.wenweipo.com/2016/09/25/HK1609250033.htm https://www.facebook.com/chuhoidick/

投票已截止，多謝支持