侵侵打伊朗變咗幫中國？話說美國總統特朗普超高調使橫手退出伊朗核協議，對德黑蘭啟動新一輪制裁，令一眾在伊朗有生意的歐洲企業躺著也中槍，分分鐘因此需要變賣優質資產。接手者是誰？就是美國搞唔到嘅中國企業喇！

歐企多得侵侵唔少

英國《金融時報》日報報道，歐企開始思考一個問題：侵侵搞伊朗，最大受益者是否中國？報道引述歐洲銀行業界分析，指美國強力制裁伊朗，令伊朗更難獲得國際資金，中國勢將加大力度填補這個缺口。 另一方面，由於美伊關係一向欠佳，美國企業大多對伊朗的生意避之則吉，因此，美國制裁的衝擊波絕少影響美企，反而絕大部分死貓都要由歐洲企業承受，焗住敗走伊朗，這令在美業務較少甚至沒有的中國企業打開方便之門，因為不用怕被美國搞乜！

法企焗讓出大油田？

多間歐企成了美霸制裁的犧牲品。報道舉了法國石油巨擘、全球六大石油公司之一的Total(道達爾)為例，若Total慘到被迫退出開發伊朗南帕爾斯天然氣田這個投資達48億美元的大Project，一堆金錢打水漂，還可能平白益了中石油接盤，因中石油在該項目佔股三成。當然，中石油也得要躲開美國無差別式的亂來制裁。 侵侵架好貿易戰炮台瞄準中國，竟然喺其他地方又「幫」返中國一把，到底他是唔覺意、唔小心定係根本唔知道？點都好，小編真係好歡迎侵侵繼續亂嚟，等中國繼續冷手執多N個熱煎堆也﹗ 原圖：大公報、Donald Trump Facebook、網絡圖片 http://news.takungpao.com/mainland/focus/2015-06/3022873.html https://www.facebook.com/DonaldTrump/

投票已截止，多謝支持