鄭屎講過唔算數係常識？話說年前的熱血公民立法會議員「鄭屎」鄭松泰倒插國旗區旗，立法會將於下周三會有動議譴責，一通過即DQ。搞笑的是，鄭屎本來懶懶閒，話明唔會為保議席向其他議員拉票，豈料鄭屎疑似驚得滯，竟然反口跪求黃營幫拖，真係肉酸到痹，連黃色小喇叭《蘋果日報》都忍不住串佢。

早知今日 何必當初

鄭屎上月中接受訪問時，曾指自己不為特別為動議譴責拉票，只會禮貌上通知泛口民有此動議譴責。未知鄭屎好淆自己會冇咗份筍工，日前特別發了封題為「反對由謝偉俊提出根據議事規則第49B(1A)條動議譴責鄭松泰的議案」的信件給全體議員，信內除稱自己「本席」(可能佢以為自己坐咗梁君彥個位啦)之外，就係話能DQ他的只有選民，而議會不可以剝奪選民的決定權咁喎。鄭屎放下自尊，卑躬屈膝跪求議員出席投票添。呵呵呵，搞到《蘋果》都反問鄭屎，咁算唔算拉票呀？

當日訪問講到自己咁大方，但轉個頭就唔記得自己講過乜，呢啲咪叫肉酸囉。早知今日，何必當初，一切都是鄭屎自己攞嚟衰。

原圖：大公報