看官，一地兩檢在反對派議員「站立、叫囂、叫口號，甚至有議員衝到主席台企圖搶咪」，反對派幾個議員獸性勃發，葉太一婦當關，大有泰山崩於前而色不變之架勢，呢，這就叫大將之風，高鐵一地兩檢得以在極度混亂中過首關，全賴葉太夠硬淨！

反對派茅招迭出

大家有目共睹，反對派一早已有晒計劃「拉布」，尤其「暴走女」陳淑莊忽然戲癮上身，將議事堂化成舞台，唔係演「東宮西宮」，而係演楚楚可憐嘅媳婦仔，被葉太呢個惡家姑「恰」到涙灑當場，在座位低泣，哭訴自己發噩夢「只得一分鐘——講嘢」，又好委屈咁話：「提問題都有錯！」哈哈哈！笑得我啊，呢位又曾經在臉書扮文青嘅「暴走女」，憎恨中國卻愛著中式旗袍，佢面對大海，作沉思狀，擺個post唔通想話畀全世界知：一個人不僅該擁有一個現實世界，仲要有一個詩意嘅世界？今趟暫且不青筋暴現，聲沙作鵝公吼，做個委屈小媳婦，就咁想陷葉太於不義？妄想葉太是個惡死楞登嘅家婆黃曼梨，而佢就化身做白燕？蝦人嘅！好衰㗎！咁無賴！ 反對派大鬧議會，經常狂態畢露，茅招迭出，又防狼器又玩SM自我用鐵錬鎖住自己，咁變態！我哋都見怪不怪了；今次又玩吓「文戲」，個位陳志全話自己「好守規矩」，佢成張工作椅抬上桌，都無讓椅子飛，果然好狠守規矩！而嗰位毛姨姨又用溫馨嘅肉臂圍攬被葉太驅逐嘅朱凱廸，筆者懷疑這是否可叫做「情同手足」嘅「革命浪漫主義」？而「假難民之父」鬍鬚雄口口聲叫人「文明啲」，真係令筆者聯想起生動活潑嘅廣東話：又要做老舉，又要攞貞節牌坊。呢啲又叫做「一日唔偷雞就做保長」！ 反對派大早已將一地兩檢條例草案形容為「割地兩檢」，又歪理連篇的指這是「閹割」，佢哋就係不聽主流民意，勢要阻止今個立法年度無法通過條例，令高鐵九月無法通車！其用心之歹毒，路人皆知也。正如運房局局長陳帆話齋：二讀時仍有好艱鉅嘅工作。鬼唔知阿媽係女人咩！局長，食多兩枝韓國高麗蔘喇！

盼葉太繼續硬淨

唉！咁多高官，咁多建制派，難道只得一個葉太夠硬淨？知道阿爸係男人！ 反對派下次又唔知玩乜？葉太縱伏魔有法、斬妖有方，都係要消耗啲「內力」，筆者想起二戰時英相丘吉爾的一、兩則軼事。丘吉爾當年並不討好媒體，在公眾眼中，也不是個好的政治家；他最為人熟悉的名言是「我沒有別的東西能夠奉獻，除了熱血、勤勞、眼淚和汗水」！筆者尤其欣賞佢嘅人生字典永遠不會有所謂「大和解」。丘吉爾並不欣賞印度嘅甘地，直接話甘地裝成苦行僧個樣「令人作嘔」。甘地在監獄中聲稱要以絕食方式抵抗到底，丘吉爾聽說後，二話不說，立即讓人準備好一口上好的棺材到監獄，甘地無可奈何，只好恢復進食。 當年，還有人揶揄丘吉爾：你打贏了仗，人民卻罷免了你！ 丘吉爾卻狠狠的回擊：我打仗，就是保衛人民擁有罷免我的權力。 呢啲就叫底氣十足！對反對派就是要有魯迅的硬頸：至死我也一個不原諒！反對派不問好醜，正經的民生議題，拉！ 有利香港市民的高鐵一地兩檢，又無所不用其極的又要拉倒！呢班食塞米嘅反對派根本係與民為敵，乃大眾之蟊賊！筆者冀盼葉太休息完，繼續一婦當關，二讀三讀硬淨到底！市民眼睛是雪亮的！與妖魔鬼怪鬥，點會唔辛苦啊！林鄭話「有信心」通過喎，講就天下無敵！打就有心卻唔想出力！ 香港如有一線曙光，全賴有你——葉太！ 原圖：文匯報 http://news.wenweipo.com/2016/10/28/IN1610280008.htm http://paper.wenweipo.com/2018/05/08/HK1805080001.htm

投票已截止，多謝支持